زور وخصف للمشوي الاماراتي

زور وخصف للمشوي الاماراتي مشروع شبابي في العين .. يقدم لكم أشهى المشاوي من الماضي ، بطعمها الرائع والخدمة الممتازة ، بمذاق وشكل التراث الشعبي الاصيل الطلب قبل بيوم واحد على الاقل والتوصيل في العين ودبي وأبوظبي للتواصل : حساب الانستقرام https://www.instagram.com/zourandkhasaf/ واتس اب : 0527317602 صاحبة مشروع زور وخصف للمشوي الاماراتي تتكلم عن مشروعها انا انسانه دائماً طموحه ومجتهده ادرس واشتغل ع بحوث على مستوى الدولة وادرس مشروع ضخم قيد الانشاء ان شاء الله . في يوم من الايام وانا جالسة مع أمي طرحت فكرة المشروع وانا اللي اشتغل على المشروع ، والفكرة كانت اني اسوي المشاكيك ، لاني شخصيا تميزت فيها وبالاخص الخلطة التي يتم عملها . سويت دراسة للمشروع واخذت القرار بالبدء بالمشروع كتجربة وبدأت فيه بدون رأس مال ، وبأن المشروع يبدأ من الصفر ويكبر من خلال انتاج المشروع نفسه ، ودوما البدايات صعبة فأولى المشاكل كانت بالباكينج ( التغليف ) ، الصحيح ان الطعم حلو لكن لابد ان يكون مقدم بطريقة مميزة ، بحثت عن مطبعة او مصنع لتصنيع الكراتين لكن طلبي عدد 50 كرتون ، والمطابع لا تقبل تسوي اقل من 1000 كرتون ، لان مشروعي لا يزال تحت التجربة ، استمريت بالبحث في امارة بو ظبي وحتى الفجيرة لكن نفس المشكلة ، فالنهاية قررت اني اصنع الكرتون بنفسي ، رحت لمصنع وطلبت وعطاني 25 كرتون بدون مقابل ( كان طلبي للكرتون من المصنوع لمشروع في الجامعة ) ، وخلال 4 ايام صنعت الكراتين بنفسي بدون مساعدة لان الشغل دقيق ةما يتحمل أي خطأ ، والحمد لله الكراتين كانت ناجحة بشكل ممتاز . بديت بعدد 24 كرتون واليوم ارتفع العدد لل 50 كرتون ، وكل الشغل بايدي دون مساعدة ، بعدها توسعت فالشغل وبديت في أول ذبيحة ، وكانت اول ذبيحة من عزبتي الخاصة ، وهذي الذبيحة كانت للدعاية للمشروع لكن الذبيحة أعطت 4 كيلو لحم ، وكل زور أضع فيه 2 كيلو لحم . وكانت نتيجة الاعلان باتصال وصلني من نفس الشخص الي اعلنت عنده ، وتلقيت منه المدح والشكر على نوعية اللحم والطعم ، لكن نقد اللحم بانه وصل بارد ، ومن بعدها وصلتني الطلبيات وما توقف تلفوني ، وبالنسبة للحم من مصدر موثوق ومن عزبة شخص قريب لي ، ومن انتاج المشروع اضفت حافظات للحرارة ولوازم اخرى للمشروع ، وبما انه البداية لا بد من مواجهة الصعوبات وان شاء الله نتخطاها مع الوقت ، وفي اول اسبوع من مشروع زور وخصف 16 طلبية ومدخول 6400 درهم إماراتي ، لي شريك للمشروع بنسبة وايضا عامل من والدي ، وكامل عمل هالمشروع بايدي حتى يكون شغلي 100 % . وهذي هي تجربتي وكل خوفي بان يتم تقليد المشروع وخلطتي هي الميزة للمشروع والرزق على الله ، وهذي قصة مشروع زور وخصف التي بدأته من شهر .